Breaking News
Home / देश / युवा पत्रकार रञ्जन अधिकारी यातायात पत्रकारिता पुरस्कारबाट सम्मानित
पोखरा बस व्यवसायी समितिले प्रदान गर्दै आएको यातायात व्यवसायिक पत्रकारिता पुरस्कारबाट यस वर्ष युवा पत्रकार रञ्जन अधिकारी प्रदान गरेपछि सामूहिक तस्विर खिचाउँदै।

युवा पत्रकार रञ्जन अधिकारी यातायात पत्रकारिता पुरस्कारबाट सम्मानित

प्रकाशचन्द्र सापकोटा पोखरा, २१ साउन।  पोखरा बस व्यवसायी समितिले प्रदान गर्दै आएको ‘यातायात पत्रकारिता पुरस्कार’ बाट यस वर्ष युवा पत्रकार रञ्जन अधिकारी सम्मानित भएका छन् । समितिको २४ औं वार्षिक साधारणसभा तथा १३ औं अधिवेशनमा युवा पत्रकार अधिकारीलाई सम्मान गरिएको हो। पोखरामा नौ वर्ष अघिदेखि विशुद्ध पत्रकारिता गरिरहेका अधिकारी मज्जाको न्युज डटकमका फाउण्डर तथा चिफ ईडिटर हुन् । उनी चार वर्षदेखि आदर्शसमाज दैनिक र विग एफएममा कार्यरत छन् । त्यसअघि पाँच वर्ष रेडियो अन्नपूर्णमा कार्य गरेको अनुभव छ । अधिकारी नेपाल खेलकुद पत्रकार मञ्च कास्कीका सचिव, धादिङ पत्रकार समाज पोखराका अध्यक्ष पनि हुन् ।

अधिकारीलाई प्रमुख अतिथि नेपाल यातायात राष्ट्रिय व्यवसायी महासंघका कार्यवाहक अध्यक्ष डोलनाथ खनाल, पोखरा बस व्यवसायी समितिका कार्यवाहक अध्यक्ष देउप्रसाद गुरुङ, पुरस्कार छनौट समितिका संयोजक एवं नेपाल पत्रकार महासंघ कास्कीका अध्यक्ष रामकृष्ण ज्ञवालीले अधिकारीलाई नगद १० हजार, ताम्रपत्र, दोसल्लाले सम्मान गरेका हुन् ।

पुरस्कार छनौट समितिका संयोजक रहेका नेपाल पत्रकार महासंघ कास्कीका अध्यक्ष रामकृष्ण ज्ञवालीले पत्रकारिताको माध्यमबाट यातायात संघसंस्था, व्यवसायी, मजदुर तथा आम उपभोक्तालाई सु–सुचित, सचेत एवं जिम्मेवार बनाउन पु¥याएको योगदानको कदर स्वरुप पुरस्कृत गरिएको बताए । ज्ञवालीले भने– ‘लामो समयदेखि पत्रकारिता गरेका युवा पत्रकार अधिकारीले यातायात क्षेत्रको समस्या, विकृति, सडक सुरक्षा, व्यवस्थित पार्किङ, उपभोक्तामुखी समाचार लेखे स्वरुप छनोट समितिले पुरस्कारको लागि सिफारिस गरेका हौं ।’ ज्ञवालीले यातायात व्यवसायीबीचको असमझदारी अन्त्य हुनुपर्ने, सेवामुखी बन्नुपर्ने, यात्रुसँग राम्रो व्यवहार गर्नतर्फ जोड दिएका थिए ।

सम्मानित भएपछि अधिकारीले पुरस्कारले पत्रकारितामा अझै सशक्त भएर लाग्न प्रेरणा मिलेको बताए । आफ्नो वुवा पनि मजदुर भएको स्मरण गर्दै उनले मजदुरको छोराले व्यवसायीले स्थापना गरेको पुरस्कार पाउदै आफू झनै हर्षित भएको स्मरण गरे। ‘यातायात मजदुरकै छोरो हुँ । पेशागत जीवनमा पहिलो पुरस्कार पनि यातायात पत्रारिता नै प्राप्त हुँदा असाध्यै खुशी लागेको छ ।’ उनले थपे– ‘यसले जिम्मेवारी बोध गराएको छ ।’

Ranjan Adhikari Speech

सम्मानित व्यक्तित्व अधिकारीले यातायात क्षेत्रका समाचारले प्राथमिकता पाउन कि दुर्घटना, कि त सडक बन्द वा सिण्डिकेटको आरोप लागेको हुनुपर्ने प्रचलन रहेकाले मुलुकको राजश्वमा ठूलो योगदान गर्ने यातायात क्षेत्रको समस्या व्यवसायी आफैले हल गर्ने, राज्यको ध्यानाकर्षण गराउन सुझाव दिए । उनले यात्रु ठगेको, व्यवसायीबीच असमझदारी बढेको, सडक बन्द गरेको जस्ता समाचार लेख्ने दिन पत्रकारलाई नआओस् भन्ने अपेक्षा राख्दै समितिमा राम्रो नेतृत्व चयन होस् भन्ने शुभेच्छा प्रकट गरे ।

समितिले पोखराको पत्रकारिता क्षेत्रलाई प्रोत्साहित गर्दै यातायातको क्षेत्रमा काम गर्दै आएको पत्रकारलाई प्रत्येक वर्ष संघको वार्षिकोत्सवमा पुरस्कार प्रदान गर्दै आएको छ। सो अवसरमा उत्कृष्ट चालक, कर्मचारी, एसएलसीमा उत्कृष्ट अंक ल्याउने व्यवसायी, मजदुरका छोराछोरीलाई सम्मान गरिएको थियो।

About Mazzako News

Leave a Reply

Your email address will not be published. Required fields are marked *

Solve to post your comment: *